1-2-3
Inauterien giro dugu

4-5-6
Irri egin pailazoei

7-8-9
Kaxkarot martxa eta jauzi

10-11-12
Kasu kasu sorginari !

13-14-15
Xapela* hiruki xorrotx

16-17-18
Lepoko xingola, ttattar bitxi

19 eta 20
Ezkerrean tronpeta, eskuinean baloi !

Inauteriak etorri dira,
hautatu behar dut jantzi,
pailazo, sorgin edo printzesa,
matahamiak jan eta jauzi !

Kaxkarot martxa ikasiko dut
eta Lantzeko erronda,
konfeti guziak dantzan dabiltza,
haurren loriako on da !

Karriketan joaldunak tulun,
lerro lerroka dabiltza,
zanpantzar tzarra erreko dugu
iratzarri zaigu hartza !

Xapelak* balantzan
Inauterietan dantzan !

Magoarena izardun,
pailazoarena loredun,
Arlekinena beltz ilun,
baratzezainak lastodun,
indioak buruko lumadun,
marionak xingoladun,
eta printzesak koroan, perlak ehun !

Xapelak* balantzan
Inauterietan dantzan !