Oinez

Hegazkinez gurutzatuko dut airea,
josia ortziz,
ur zabala itsasontziz.

Herriak gurutzatuko ditut autoz,
mehakak motoz.,

Tunelak pasako ditut trenez,
paisaiak irentsiz maitasunez.

Hegazkina suntsituko da,
itsasontzia hondoratuko,
autoa nekatuko,
motoa zilatuko,
trena erdoilduko !

Eta azkenik,
zure ezpainen irrira,
helduko naiz bihotzez,
ttipi ttapa, oinez

Luixa Giltzu 2006/09

Oinaren atsegina

Horra zapata irekia
udako sapentzat egokia
Horra zapata hetsia
joaten balitz eguzkia !

Hotz freskotan ezar bota
Olentzerok duena maita
klaskatuz doa eskalapoina*
istiletan alabaina

Lasterka doa basketa
kirolarien zapata
dantzari larruzko abarka
aspaldiko moden marka.
Eurian plisti plasta
lasai da katiuska* !

Eta eguna amaitzean
goxatzeko etxean
hain goxo hain arina,
oinaren atsegina,
ezarriko dut xapina !

Luixa Giltzu

*eskalapoina : eskalapoia
*katiuska : kautxuzko botak

Autorea :

Luixa Giltzu

Argitaratzailea :

Ikas

Argitaratze data :

2011/01/20