Binbili eta Bonbolo
bi arrain ero,
udan fresko fresko,
neguan bero bero.

Bustian idor
idorrean busti
bakean ezkor
kexuan ezti.

Bi arrain ero
hortan bego!

Noiz dugu apirila ?
Gero, gero !
Eta lehena ?
Goaita oraino !
Badator, heldu da
gezurren botatzeko
urtero, urtero !

Arrain bat
eta arrain bi,
igeri eta igeri.
Nora doatzi* ?
Apirilaren lehenean
mihi faltsuen egunean,
badoatzi*, badoatzi*,
kutzu kutzu, kitxi kitxi,
itsas lamina bitxiz-bitxi,
gezurrez nahi dute jantzi !

Ni naiz apirileko arraina,
itsasoan gordetzen naizena,
amuarrain, bakailao, izokina,
marrazo, legatza edo sardina.

Ni naiz igerilari arina,
eta gezurti fina,
mihi luzeen erregina !

Uhinen zaldi gainean
egiten dut salto,
itsas laminen besoetan
lokartzen naiz seko !

Ni naiz apirileko arraina,
haur guzien lagun bikaina !

Dilin dolon
Bolon bolon,
ezkilak heldu dira,
arroltzeen botatzera !

Dilin dolon,
bolon bolon
untxiak salto salto,
oiloak piko piko !

Dilin dolon
Bolon bolon,
Pazko dator, Pazko dator,
xerka gogor, xerka gogor,
arroltzeak hor dira hor !